【made in Hong Kong．陸羽茶包廠見學】
真係唔好睇少呢支茶同呢個膠樽。
我的茶魂由細培養。
屋企總會響保溫瓶裡沖定一大壺中式茶，長大後有得揀茶定水，一定係茶。所以當知道可以參觀茶廠，立即撲出應機，勁有細細個參觀麵包廠之感。陸羽茶包喎，40年歷史，土炮香港品牌，真係細細個超市總會見到，大大個返工Pantry又一定總有一盒的陸羽！！！
最近陸羽新動作：就係聯乘百年日本靜岡縣茶園丸孫，推出冷泡深蒸煎茶同埋玄米煎茶系列。丸孫過去四代都唔做外銷，來到第五代傳人恰巧想大大力宣揚日本茶葉文化，於是同陸羽新一代話事人Alfred一拍即合，促成這次合作。丸孫的茶葉為有機肥料種植，經深蒸處理，多重搓茶工序製作，茶味溫純。我覺得最勁嘅Alfred話我知就連裝茶葉嘅過瀘紙茶袋，都試咗百幾款！計埋茶葉沖水膨脹後，佔茶袋幾多空間，從而能否泡透徹出茶味來！好 鬼 認 真！好多人會因為茶有咖啡因而卻步，不過冷泡的話，就可以令咖啡因減少75%，晚上喝也不怕。
Alfred同時眼見香港人成日買樽裝茶，但市面膠樽多為PET樽（即係要飲完即丟！根據環保署數字，港人棄置膠樽數目每日由2005年的292萬個躍升至2015年的544萬個（OMG！！！即是平均每秒便丟棄7個，講緊係5年前呀！！！）於是Alred就同歐洲專門以PP物料生產膠樽的LA DUKE公司訂製一批合乎環保原則的PP Bottle，清洗後可放心循環再用的膠樽。PP膠樽係唯一可以放入微波爐加熱的材質，耐熱130度高溫，樽上仲有刻度，可以按個人喜好沖泡出自己喜歡的濃淡口味，茶包放入樽，加凍水，浸泡一分鐘，手搖30秒，搞掂！加上個樽好鬼輕，近排秋高氣爽去行山一支冷泡茶旁身，行到身水身汗時就知呢支茶嘅寶貴了。
陸羽茶包
陸羽日本孫之冷泡茶
https://www.lukyu.com/冷泡茶系列/
#香港製造
#陸羽茶包 #茶包 #茶 #冷泡茶 #日本茶 #凍水
#深蒸煎茶 #玄米煎茶 #30秒 #速泡 #靜岡縣
Search